Գաղտնիության քաղաքականություն

Հարթակի հաշվի, անվտանգության և տեխնիկական սպասարկման համար տվյալներ մշակողը «ԴՈԿԻՔՍ» ՍՊԸ-ն է։ Փաստաբանական գրասենյակը, կազմակերպությունը կամ ընտրված ստացողը իր նպատակներով ստացած տվյալների համար կարող է ունենալ առանձին պարտականություններ։ Հարցերի, ուղղման կամ ջնջման պահանջի համար դիմեք «Կապ մեզ հետ» բաժնով։ Հարցումը ստուգելու համար կարող ենք պահանջել համաչափ նույնականացում, բայց երբեք՝ ձեր գաղտնաբառը կամ PIN-ը։

Կախված օգտագործած գործառույթից՝ մշակվում են անունը, ազգանունը, հայրանունը, ծննդյան ամսաթիվը, քաղաքացիությունը, հասցեները, հեռախոսը, էլ․ հասցեն, username-ը, կազմակերպության տվյալները, հաշվի կարգավորումներն ու հաստատման վիճակները։ Փաստաթղթերի համար մշակվում են ձեր մուտքագրած պատասխանները, ընտրված փաստերը, փաստաթղթերը, կցորդները, ստորագրության պատկերը և հաստատման տվյալները։ Աշխատանքային տարածքներում կարող են լինել գործերի, հաղորդագրությունների, հանդիպումների, հաշիվների և վճարային գրառումների տվյալներ։

Եթե կայքում կամ iOS/Android հավելվածում ընտրում եք «Մուտք Google-ով», Docx-ը հայցում է միայն Google-ի մուտքի հիմնական թույլտվությունները՝ openid, email և profile։ Google-ի տրամադրած ID token-ից ստանում ենք Ձեր Google հաշվի նույնացուցիչը, էլ․ հասցեն, Google-ի կողմից այդ հասցեի հաստատված լինելու նշումը, անունը և ազգանունը։ Այս տվյալներն օգտագործվում են միայն Ձեզ մուտք գործելու, Docx հաշիվ ստեղծելու կամ կապակցելու (գրանցման ձևը լրացնելու և էլ․ հասցեն հաստատելու) և հաշիվը չարաշահումից պաշտպանելու համար։ Պահպանում ենք միայն Ձեր Docx հաշվին կապակցված Google հաշվի նույնացուցիչը, ինչպես նաև պրոֆիլում Ձեր պահած էլ․ հասցեն և անունը։ Մենք չենք ստանում և չենք պահպանում Ձեր Google գաղտնաբառը, Google access/refresh token-ները, կոնտակտները, Gmail-ի, Drive-ի կամ Calendar-ի տվյալները և դրանց հասանելիություն չենք հայցում։ Google օգտատիրոջ տվյալները չեն վաճառվում, չեն օգտագործվում գովազդի կամ AI մոդելներ ուսուցանելու համար և չեն փոխանցվում երրորդ անձանց՝ բացառությամբ ծառայության աշխատանքի համար անհրաժեշտ հոսթինգ մատակարարի կամ օրենքով պահանջվող դեպքերի։ Google API-ներից ստացված տեղեկատվության օգտագործումն ու փոխանցումը Docx-ը իրականացնում է Google API Services User Data Policy-ին համապատասխան՝ https://developers.google.com/terms/api-services-user-data-policy , ներառյալ Limited Use պահանջները։ Docx հաշիվը ջնջելիս Google կապակցումն անմիջապես հեռացվում է. Docx-ի հասանելիությունը կարող եք ցանկացած պահի հետ կանչել նաև https://myaccount.google.com/permissions էջում։ Apple-ով մուտքը գործում է նույն սկզբունքով՝ պահպանում ենք Apple հաշվի նույնացուցիչը և Apple-ի տրամադրած էլ․ հասցեն, որը կարող է լինել private relay հասցե։

Տվյալները օգտագործվում են ձեր պահանջած հաշիվը և ծառայությունը տրամադրելու, փաստաթուղթ կազմելու, ձեր ընտրած ստացողին փոխանցելու, հասանելիությունները կառավարելու, նույնականացման հայտը ստուգելու, անվտանգությունը պահպանելու և իրավական պարտավորությունները կատարելու համար։ Համաձայնություն պահանջող մշակումը հիմնվում է ձեր համապատասխան ընտրության վրա, իսկ օրենքով թույլատրված այլ դեպքերում՝ այդ իրավական հիմքի վրա։ Պարտադիր դաշտերը նշվում են. դրանց չտրամադրումը կարող է անհնար դարձնել միայն դրանցից կախված գործառույթը։

Նույնականացման հայտը ներառում է անձնագրային տվյալների պատճենը, փաստաթղթի վավերականության ավարտը և ընտրված տեսակից կախված 2–3 նկար։ Այս նյութերը պահվում են գաղտնագրված և դիտվում են համապատասխան լիազորություն ունեցող ադմինի կողմից։ Գրանցվում են հայտի դիտման և որոշման գործողությունները։ Անձնագրային տվյալներն ու պահպանված ստորագրությունը հասանելի են սահմանված պաշտպանված ընթացքով։ Նկարների ներկայացումը չի նշանակում դեմքի ավտոմատ ճանաչում կամ պետական բազայի հետ համադրում։

DOCX AI-ին հաղորդագրություն ուղարկելիս այդ հաղորդագրությունն ու զրույցի անհրաժեշտ համատեքստը մշակվում են OpenAI API-ի միջոցով՝ պատասխան ստանալու նպատակով։ Հարցումն ուղարկվում է store:false կարգավորմամբ, ինչը ինքնին չի նշանակում մատակարարի բոլոր տեխնիկական գրառումների բացակայություն։ Մի փոխանցեք գաղտնի կամ ավելորդ անձնական տվյալներ։ Հարթակը չի փոխանցում նույնականացման նկարներն ու պահպանված ստորագրությունը չաթի հարցման մեջ։ Միջերեսի և փաստերի թարգմանությունների ցուցադրումը կատարվում է պահված բառարանով և չի պահանջում օգտատիրոջ տվյալների փոխանցում թարգմանության մատակարարին։

Ձեր ընտրած գործողության շրջանակում տվյալները կարող են ստանալ նշված հասցեատերը, մասնագետը, կազմակերպության լիազորված աշխատակիցը կամ ստորագրող կողմը։ Տեխնիկական մշակմանը ներգրավվում են Render-ը՝ հոսթինգի համար, Cloudflare R2-ը՝ ֆայլերի պահպանման համար, OpenAI-ը՝ DOCX AI հարցման համար, Google Analytics-ը՝ առանձին համաձայնությամբ վիճակագրության համար, և փաստացի միացված էլեկտրոնային փոստի, SMS-ի ու push-ի մատակարարները։ Render-ի օգտագործվող սերվերային տարածաշրջանը Ֆրանկֆուրտն է։ Մատակարարների այլ մշակման վայրերը կարող են կախված լինել պայմանագրից ու երթուղուց։ Արտերկիր փոխանցելիս կիրառվում են ՀՀ օրենքով պահանջվող պաշտպանության մակարդակը, երաշխիքներն ու անհրաժեշտ թույլտվությունները. ընդհանուր համաձայնությունը դրանք չի փոխարինում։ Արտաքին ինտեգրացիան ակտիվացնելիս փոխանցվում են միայն այդ գործառույթի համար անհրաժեշտ և թույլատրված տվյալները։

Հաշվի և փաստաթղթերի տվյալները պահվում են այնքան, որքան անհրաժեշտ են գործող ծառայության, անվտանգության, պարտադիր հաշվառման կամ վեճի հիմնավորված նպատակների համար։ Նույնականացման նախկին հայտը կարող է պահպանվել հաստատման և փոխարինման պատմությունը հիմնավորելու համար։ Ջնջման կամ սահմանափակման պահանջը քննարկվում է տվյալների տեսակի և կիրառելի պարտավորությունների հիման վրա։ Ստացողին արդեն փոխանցված պատճենը չի վերանում ձեր հաշվից ջնջելով։ Պահուստային պատճենները և իրավաչափ պահպանվող ապացույցները կարող են ենթարկվել առանձին պահպանման ընթացքի. անհապաղ համատարած ջնջում չենք խոստանում։

Կարող եք պահանջել տեղեկություն ձեր տվյալների մշակման մասին, հասանելիություն, ոչ ճշգրիտ տվյալների ուղղում և օրենքով նախատեսված դեպքերում ուղեփակում, ոչնչացում կամ համաձայնության հետկանչ։ Հաստատված անձնագրային դաշտի կողպումը չի վերացնում ուղղում պահանջելու իրավունքը. օգտագործեք փոխարինման ընթացքը կամ դիմեք աջակցությանը։ Պահանջները դիտարկվում են կիրառելի օրենքով սահմանված կարգով ու ժամկետներում։ Կարող եք բողոք ներկայացնել անձնական տվյալների պաշտպանության իրավասու մարմնին կամ դատարան։

Բրաուզերում պահպանվում են մուտքի վիճակը, անվտանգության հաստատումները, լեզուն, տեսքը և գործառույթի համար անհրաժեշտ ընթացիկ տվյալները։ Google Analytics 4-ը բեռնվում է միայն Ձեր վիճակագրության համաձայնությունից հետո և անջատված է sandbox կարգավորմամբ միջավայրում։ Չափում ենք հանրային էջերի խմբերի այցելությունները, հիմնական հղումների օգտագործումն ու արագությունը։ Google-ը ստանում է նաև սարքի և բրաուզերի տեխնիկական տեղեկություններ ու քուքիների նույնացուցիչներ։ Մեր իրադարձությունները չեն ներառում փաստաթղթեր, անձնագրային տվյալներ, ստորագրություններ, անուններ, էլեկտրոնային հասցեներ, մուտքի գաղտնիքներ կամ ռեֆերալ կոդեր։ Անձնական աշխատանքային էջերի չափումն անջատված է։ Ընտրությունն ու Analytics-ի քուքիները պահպանվում են մինչև 180 օր։ Մերժելիս Analytics-ը չի բեռնվում։ Հետ կանչելիս դրա քուքիները հեռացվում են և էջը վերաբեռնվում է։ Ընտրությունը փոխեք այս էջի կամ քուքիների էջի կոճակից։ Հաշվի են առնվում Do Not Track և Global Privacy Control ազդանշանները։ Google-ի մշակման մանրամասները՝ https://policies.google.com/technologies/partner-sites ։ WhatsApp-ում գործում են նաև այդ ծառայության պայմանները։

Կիրառվում են հասանելիության սահմանափակումներ և որոշ զգայուն տվյալների գաղտնագրում։ Սա բացարձակ անվտանգության երաշխիք չէ։ Օգտագործեք պաշտպանված սարք, դուրս եկեք ընդհանուր սարքերից, պահպանեք սեփական պատճենները և մի ուղարկեք ավելորդ երրորդ անձանց տվյալներ։ Հատուկ կատեգորիայի, անչափահասի կամ ուրիշի գաղտնի տվյալներ տեղադրեք միայն անհրաժեշտության և համապատասխան իրավական հիմքի առկայությամբ։ Անվտանգության միջադեպի դեպքում ձեռնարկվում են սահմանափակման և կիրառելի ծանուցման միջոցներ։

Քաղաքականության էական փոփոխությունների մասին տեղեկացվում է կայքում կամ հասանելի կապի եղանակով։ Երեք լեզուների տարբերակները վերաբերում են նույն գործառույթներին և նպատակ ունեն փոխանցել նույն իմաստը։ Անհամապատասխանության դեպքում դիմեք մեզ պարզաբանման համար. թարգմանությունը չի սահմանափակում օրենքով նախատեսված ձեր իրավունքները։

Հաշվին ավելացված տրանսպորտային միջոցի պետհամարանիշը և տեխնիկական անձնագրի համարը պահվում են գաղտնագրված։ Մինչև ՃՈ բազայի միացումը դրանք չեն համարվում պետական բազայում ստուգված և այդ բազայից տվյալներ չեն ստացվում։ Տրանսպորտային միջոցը կարող եք հեռացնել ձեր հաշվից։ Հարթակի ներսում ծանուցումների հասցեագրման համար կարող են օգտագործվել ձեր նշած ծննդյան ամսաթիվը, բնակության տարածաշրջանը, հաշվին ՏՄ ավելացված լինելու հանգամանքը և վերջին 90 օրում գրանցված վեբ, iOS կամ Android օգտագործումը։ Ընտրված տարածաշրջանը կարող եք փոխել կամ մաքրել անձնական տվյալների բաժնում։ Հարթակի գրանցումը սարքի տեղորոշում չի կատարում։ Ծանուցումները պահվում են ձեր հաշվին՝ կարդացված լինելու կարգավիճակով, իսկ կազմակերպության ծանուցումները հասանելի են համապատասխան իրավասությամբ։

Անձնագրային տվյալների էջից կարող եք պահանջել հաշվի ջնջում։ Մինչև հաստատումը ցուցադրվում են ջնջվող ֆայլերի ու փաստաթղթերի քանակը, կորցվող DXT մնացորդը և կազմակերպությունների ցանկը։ Գործողությունը պահանջում է պայմանների ընդունում, գործող գաղտնաբառը և վեցանիշ PIN-ը։ Միակ սեփականատիրոջ կազմակերպությունը նույնպես ջնջվում է, եթե նախապես սեփականությունը չի փոխանցվել գործող անդամի։ Այլ կողմերի ստացած փաստաթղթերի նրանց պատճենները և անհրաժեշտ անանուն տեխնիկական ու ֆինանսական հղումները պահպանվում են. դրանք չեն վերականգնում ձեր հաշիվը կամ հասանելիությունը։ Հաշվի հասանելիությունն անմիջապես դադարեցվում է, իսկ արտաքին պահոցների ֆայլերի հեռացումն իրականացվում է կրկնվող առաջադրանքով՝ կապի խափանման դեպքում կրկին փորձելով։

Փաստաբանի կամ հաշտարարի կարգավիճակի հաստատման համար մշակում ենք վկայականի համարը, ներկայացված փաստաթղթերը, նշված վավերականության ժամկետը և ստուգման արդյունքը։ Վերբեռնված փաստաթղթերը պահպանվում են գաղտնագրված և հասանելի են ստուգման իրավունք ունեցող ադմինին։ Բիզնես գրանցելիս մշակում ենք կազմակերպության տվյալները, դիմողի իրավասության հայտարարությունը և նշված տնօրենի կամ հիմնադրի կապը։ Սովորական բիզնեսները և իրենց մասնագիտությանը համապատասխան գրասենյակ ստեղծող հաստատված մասնագետները լրացուցիչ հաստատման չեն սպասում։ Այլ անհրաժեշտ դեպքերում ստուգվում են ներկայացուցչի փաստաթղթերը։ Բիզնես հաշվի կառավարումը չի նշանակում կազմակերպության իրավական սեփականության փոխանցում։

Տվյալները ստացվում են ձեզանից, ձեր ընտրած ներկայացուցչից կամ մասնագետից, գործարքի մյուս կողմից, կազմակերպության լիազորված աշխատակիցներից և ծառայության տեխնիկական գործարկումից։ Հանրային մասնագետների տեղեկատուների համար օգտագործվում են համապատասխան պաշտոնական հանրամատչելի աղբյուրները։ Հեռախոսահամարի կամ էլեկտրոնային հասցեի համընկնումը կարող է հիմք լինել մասնագիտական էջը ստուգելու առաջարկի համար, բայց չի փոխարինում նույնականացմանը։

Ընտանիքի գործառույթում մշակվում են երեխայի անունը, ազգանունը, հայրանունը, ծննդյան ամսաթիվը, սեռը, ներկայացուցչական կապը, ապացուցող փաստաթուղթը և ստուգման արդյունքը։ Դրանք օգտագործվում են ներկայացուցչությունը և ընտրված ծառայության շահառուի համապատասխանությունը ստուգելու համար։ Ներկայացուցիչը տրամադրում է միայն անհրաժեշտ տվյալները՝ իր իրավասության սահմաններում։ Ապացուցող ֆայլը պահվում է գաղտնագրված։ Կապի դադարեցումը սահմանափակում է նոր գործողությունները, բայց չի ջնջում արդեն կնքված փաստաթղթի մյուս կողմերի օրինական օրինակները։

Ծառայություն ստեղծելիս, պատվիրելիս կամ օֆերտա կազմելու համար գրասենյակին դիմելիս մշակվում են առաջարկի նկարագրությունը, պահանջները, գինը, շահառուի ու պատվիրատուի տվյալները, ընտրված պայմանագիրը, քննարկումները, կցորդները և կարգավիճակները։ Գրասենյակին ուղարկվում են միայն ձեր ընտրած հայտի տվյալները։ Ստորագրված փաստաթուղթն ու անհրաժեշտ տվյալները հասանելի են համապատասխան կողմերին՝ ըստ գործողության և թույլտվությունների։

Գրասենյակի միջավայրում կարող են մշակվել հաճախորդների կոնտակտները, գործերի համարները, ուղղությունները, դատավորը, հանդիպումները, հանձնարարությունները, աշխատակիցները, հաղորդագրությունները, ծախսերն ու վճարային գրառումները։ Սեփականատերն ու կառավարիչը պարտավոր են սահմանել անհրաժեշտ նվազագույն հասանելիությունը։ Կազմակերպությունն ինքնուրույն որոշում է իր հաճախորդների տվյալների մշակման օրինական նպատակը և պատասխանատու է նրանց տեղեկացնելու համար։

Թույլտվությամբ պահպանվում են վեբ push բաժանորդագրության endpoint-ը, դրա տեխնիկական բանալիները, սարքի կապը հաշվին և միացման կարգավիճակը՝ ծանուցում հասցնելու համար։ Կարող եք անջատել push-ը հարթակից կամ բրաուզերից։ Հաշվից դուրս գալիս տվյալ սարքի բաժանորդագրությունը հեռացվում է հարթակի հաշվից։ Ծանուցումը կարող է երևալ սարքի կողպված էկրանին. սահմանեք սարքի գաղտնիության կարգավորումները։ Ծառայության հաղորդագրությունը չի ենթադրում գովազդ ստանալու ընդհանուր համաձայնություն։

Մշակվում են գնման պատվերի համարը, գումարը, DXT-ի հաշվեգրումներն ու օգտագործումը, վճարման եղանակը, կարգավիճակը, բանկային գործարքի հղումները, վերադարձի արդյունքը, հրավիրողի ռեֆերալ կոդն ու բոնուսի պայմանները։ Քարտի ամբողջական համարը, CVV-ն և բանկային հաստատման գաղտնիքները լրացվում են բանկի կամ վճարային մատակարարի էջում և չպետք է ուղարկվեն Docx-ի աջակցությանը։ Ռեֆերալ կապը ծառայում է բոնուսի հաշվարկին և կրկնօրինակ կամ կեղծ հաշվեգրումների կանխարգելմանը։

Հանրային էջի անունը, լուսանկարը, մասնագիտական կարգավիճակը, աշխատանքի վայրը, կապի տվյալները և հրապարակված առաջարկները հասանելի են այցելուներին։ Անձնագրային նյութերը, ստորագրությունը և մասնավոր գործերը հանրային չեն հրապարակվում այդ պատճառով։ Տեղեկատուի տվյալների ուղղման կամ հիմնավորված հեռացման համար դիմեք աջակցությանը՝ նշելով էջը և խնդիրը։ Որոնողական համակարգի պահոցը կարող է թարմանալ ավելի ուշ։

Պահպանման ժամկետը կախված է ակտիվ հաշվից կամ պատվերից, ապացույցների անհրաժեշտությունից, պարտադիր հաշվապահական ու իրավական պահպանման պահանջներից։ Ժամկետը սահմանափակվում է համապատասխան նպատակով. բոլոր տվյալների համար անժամկետ պահպանում չի սահմանվում։ Անհրաժեշտության դեպքում ստանում եք տվյալների կատեգորիաների ու պահպանման հիմքերի մասին տեղեկություն։ Տվյալների կամ բովանդակության պատճենը կարող եք խնդրել նաև ծառայության դադարեցման ժամանակ՝ այլ անձանց իրավունքների պահպանմամբ։

Ուղարկեք դիմումը հաստատված «Կապ մեզ հետ» միջոցով՝ նշելով հաշիվը կամ էջը, պահանջը և պատճառը։ Կարող ենք պահանջել համաչափ ինքնության կամ ներկայացուցչության ապացույց, բայց երբեք գաղտնաբառ, PIN կամ CVV։ Տվյալների հասանելիության, ուղղման, ուղեփակման, ոչնչացման և համաձայնության հետկանչի պահանջները դիտարկվում են կիրառելի օրենքով սահմանված կարգով ու ժամկետներում։ Միջադեպի դեպքում ձեռնարկվում են սահմանափակման, վերականգնման և օրենքով պահանջվող ծանուցման միջոցներ։ Կարող եք դիմել ՀՀ անձնական տվյալների պաշտպանության լիազոր մարմնին կամ դատարան։

Այս կանոնները կիրառվում են ՀՀ պարտադիր իրավական պահանջների պահպանմամբ։ Անձնական տվյալների պաշտպանության մասին օրենք՝ https://www.arlis.am/hy/acts/229131 ։ Սպառողների իրավունքների պաշտպանության մասին օրենք՝ https://www.arlis.am/hy/acts/226867 ։ Էլեկտրոնային փաստաթղթի և էլեկտրոնային թվային ստորագրության մասին օրենք՝ https://www.arlis.am/hy/acts/218694 ։ ՀՀ քաղաքացիական օրենսգիրք՝ https://www.arlis.am/hy/acts/230025 ։ Հետագա օրենսդրական փոփոխության դեպքում կիրառվում է տվյալ հարաբերության նկատմամբ գործող պարտադիր նորմը։